Aquí recollo a frecuencia dos diferentes apelidos nesta época en que se fai o Catastro do Marqués da Ensenada. O método que seguín foi recoller os que fan os peritos e diversos veciños ante o Rexidor Perpetuo da cidade de Ourense
D. Vizente Lopez de Agra. Pero como atopei algunha contradicción cos apelidos que o cura párroco
D. Luis de Losada describía no seu listado de "
Confesados", optei por contrastalos e dinlle prioridade ós de
D. Luis de Losada, cando había contradicción (9 casos en concreto) e fíxeno así porque considerei que o cura párroco tiña información mais fidedigna de todos os veciños da parroquia, e os veciños que asistiron como parte dos peritos non eran de todos os lugares, senón de 2 lugares concretos: Fontao e Portecelos e podían trastocar os apelidos con facilidad.
Por outra banda, o total de veciños no documento do catastro son 295 e aquí so constan 288, eso é debido que de varios criados e criadas non constan os seus apelidos, polo que hai esta pequena diferencia.
Están ordenados de maior a menor e por lugares, resaltando en negrilla os de frecuencia mais elevada en cada apelido.
